To start downloading books

Please sign in or create an account.

imranghani 3 years ago 1,955
ځینې نارینه ولې له خپلې مېرمنې سره خیانت کوي؟

ځینې نارینه ولې له خپلې مېرمنې سره خیانت کوي؟

لیکنه: شکېبا نادري، ځینې نارینه ولې له خپلې مېرمنې سره خیانت کوي؟

 

ځینې وخت مېرمن او خاوند په ګډ ژوند کې له ډېرو ستونزو سره مخ کېږي، خو دوی کولای شي په ګډه سره دا ستونزې حل کړي او یو خوشحاله ژوند پیل کړي، خو داسې کسان هم شته چې کله له ستونزو سره مخ شي، د دې پر ځای چې ورته حللارې پیدا کړي، تېښته ترې کوي،  ستونزې هغه وخت لا ډېرېږي چې حل یې نه کړو، خو موږ کولای شو د خبرو په واسطه هرې ستونزې ته مناسبه حللاره پیدا کړو.

موږ په نننۍ ليکنې کې تاسو ته په دې اړه معلومات درکوو، چې ولې ځينې نارینه له خپلې مېرمنې سره خیانت کوي، که تاسو هم غواړئ په دې اړه معلومات تر لاسه کړئ، لیکنه تر پایه ولولئ!   

ډېری خلک په دې اند دي، چې یو نارینه هغه وخت خیانت کوي، چې جنسي غوښتنې ور باندې زور شي، خو دا اند تر ډېره غلط دی، ځکه څېړنو ښودلې ده، چې اووه سلنه نارینه د جنسي غوښتنو لپاره خیانت کوي او درې نوي سلنه نور نارینه د بېلابېلو لاملونو له امله له خپلو مېرمنو سره خیانت کوي، چې موږ یې په نننۍ لیکنې کې په ترتیب سره درته بیانوو.  

۱. یو نارینه هغه وخت له خپلې مېرمنې سره خیانت کوي، چې د مېرمنې ټوله پاملرنه یې د خپلې کورنۍ خواته وي، لکه د مجردۍ پر مهال یې چې د خپلو ټولو کړنو په اړه لومړۍ د خپلې مور، خور، پلار او یا د کورنۍ د داسې نورو غړو سره مشوره کولې اوس یې هم کوي، د مېرمنې داسې کړنې د دې لامل کېږي چې خاوند یې ور سره خیانت وکړي. 

۲. نارینه هغه وخت له خپلې مېرمنې سره خیانت کوي چې مېرمن یې د خپل ګډ ژوند پر وړاندې علاقمندي نه ښیي، د دې کړنې په ترسره کولو سره خاوند یې د دې هڅه کوي، چې د ځان لپاره داسې کس پیدا کړي چې د ګډ ژوند پر وړاندې جدي و اوسي.

۳. یو خاوند هغه وخت هم خیانت کولای شي، چې په هره خبره کې یې مېرمن ورته سپکاوی وکړي او د ده د کمزورتیا ټکي ورته یاد کړي، په داسې حال کې خاوند هڅه کوي داسې یو کس پیدا کړي چې سره له ټولو عیبونو دی ومني، او د دې لپاره چې له خپلې مېرمنې څخه غچ واخلي ورته خیانت کوي.

۴. څېړنو دا هم ښودلې ده، چې په ګډ ژوند کې خیانت ډېری د نارینه وو له خوا کېږي، ځکه د نارینه وو یوه ځانګړنه خپل چارېتوب دی، دوی غواړي هر څه لاسته راوړي او هر څه د دوی و اوسي، همدا لامل دی چې خیانت کوي.

۵. ځینې وخت غوسه هم د دې لامل کېږي چې خاوند له خپلې مېرمنې سره خیانت وکړي، ډېری نارینه د غوسې پر مهال ځان نه شي کنټرولولای، د دې لپاره چې کومه داسې تېروتنه تر سره نه کړي چې بیا به یې جبرانولای نه شي، هڅه کوي چې له کور څخه وځي، د دې کړنې بیا بیا تکرار خیانت ته لاره هواروي.

۶. جنسي غوښتنې هم د دې لامل کېږي چې خاوند د خپلې مېرمنې سره خیانت وکړي.

۷. له خپل خاوند څخه د هغه له وس څخه لوړې تمې هم د دې لامل کېږي چې خاوند له خپلې مېرمنې سره خیانت وکړي، ځکه خاوند نه شي کولای چې د خپلې مېرمنې غوښتنې پوره کړي، نو خیانت ته مخه کوي.

کېدای شي د دې ترڅنګ نور لاملونه هم شته وي چې خاوند د خپلې مېرمنې سره خیانت وکړي، خو موږ هڅه کړې ده، په یادې لیکنې کې اړین لاملونه بیان کړو.

Related Articles

څنګه کولای شو هدف ته ورسېږو؟

 تاسو به ډېر داسې کسان لیدلي وي او یا به مو په اړه معلومات لوستي وي چې په ژوند کې بریالي دي، موخو ته رسېدلي او تر نورو یې ژوند جوړ او خوشحاله دي. خو دا چې دوئ څنګه ځان دې ځای ته رسولای؟دا خو معلومه خبره ده چې انسانان، پوهان او شتمن خلک څنګه چې دي دغه شان له مور نه نه دې زېږېدلي بلکې په خپل فکر، خپل زیار او خپلو هڅو یې ځانونو دغه ځای ته رسولي. هر ان...

خپلې موخې څنګه ترلاسه کړو؟

لیکنه ـ ریاض مقامزی د امریکا د پخواني ولسمشر (بارک اوباما) مېرمنه مېشل اوباما وايي: "ستاسو د لاسته راوړنو لپاره وروستی حد د موخو ترلاسه کول دي." د نوموړې هدف دا دی، چې د موخو لپاره هېڅ خنډ نشته، کله چې خپله موخه ترلاسه کړئ خنډ ته ورسېدئ یعنې نور مخکې نه شې تللای. حقیقت هم همدا دی. په لنډ ډول به یې ووایو تقریبا هېڅ څه نا ممکن نه دي. که تاسو هم د خ...

د بریالیو خلکو ځانګړنې

لیکنه ـ ریاض مقامزی په ژوند کې بریا د هر انسان هيله وي، خو آیا تر اوسه مو په دې اړه فکر کړی، چې د بریاليو خلکو هغه کومې ځانګړنې دي، چې دوی یې له نورو رابېل کړي او بریالی ژوند لري؟ په دې لیکنه کې پر همدې موضوع خبرې شوي او تاسو به د بریاليو خلکو دېرش "۳۰" ځانګړنې وپېژنئ! نو که تاسو هم غوښتل بريالي شئ همدا ځانګړنې په خپل ځان کې پيدا کړئ. د بریاليو و...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

خېټه څنګه کوچنۍ کړو؟

د نارینه او نجونو لپاره تر ټولو بد مرض د خېټې د وازدو ډېرېدل او غټېدل دي چې نه یې یوازې ښکلا ته زیان رسوي، بلکې صحت ته یې هم ستونزې جوړوي. نن درته د خېټې د کوچني کولو داسې طریقې در ښیوو چې د ډېر ورزش ستړیا به هم نه ورسره ګالۍ او په تکلیف به هم ورسره نه شئ. د ورځې پیل د لیمو په جوسو وکړئ، نیم لیمو په یو ګیلاس اوبو کې زبېښل او څښل یې په حجراتو کې...