نقشې تطبیق-خط اندازي

د نقشې تطبیق( خط اندازي):
له تطبیق څخه هدف دا دی چې پلان انجینر ته وسپارل شې(پلان د بل انجینر پواسطه ترتیب شوی وی) یا انجینر پخپله پلان ترتیب کړی وی او هغه د ګچ یا چونې پواسطه په ځمکه تطبیقوی. 
لاندی نقطې په پام کې نیول کیږی:
1- د نقشې شمال لوری د ځمکې له شمالي لوری سره یو کول(دا کا د قطب نما په وسیله تر سره کیږی).
2- د یو معلوم خط لرل: پدی معنی چی د نقشې یو ضلعه به په همدې جهت وي. 
د لا ښه وضاحت لپاره یو پلان د نمونې په توګه راوړو چې  شمالی او  جنوبی ضلعې یې 10m همدارنګه شرقی او غربی ضلعې یې 8m دی.  دغه ځمکه د شمال لوري سره د یو 16m سرک سره وصل ده.
تطبیق: د تعمیر د ابادۍ له ساحې لږ اندازه لیری (1m) یو میخ چې د off میخ په نړم یې نوموو ټک وهوو همداشان په بل طرف کې هم په همدې اټکلي اندازه میخ ټک وهل کیږی د تار (رجې) پواسطه دغه نقطې سره وصلوو دا لومړنی مسیر دی چې باید د نورو کارونو لپاره دغه تار خلاص نشې.
د دې لپاره چې د off میخ د کار په وخت کې لمنځه ولاړ نشي باید د تعمیر د کنج(نبش) له نقطې 1m لیری وی او د پروژې تر پای ته رسیدو پورې باید دغه میخ  وساتل شي دا ځکه چې موږ ده همدې میخ په واسطه کولای شو تر څو د تهدابونو پلان، د پایو تطبیق، نما جوړولو او داسې نورې چارې ترسره کړو. 
د نورور مسیرونو یا جهتونو د تطبیق لپاره له دوهمي نقطې یو متر لیری د off میخ ټک وهو تار همدې میخ کې وصلو او تر دریمې نقطې امتداد ورکوو. اوس د  دواړو جهتونو  تر منځ  90 درجې یا قایمه زاویه برابرو. باید یادونه وشي چی د ضلعو د قایم کولو لپاره د فیثاغورث قضیه کارو.  په همدې توګه کولای شو  چې دریمه څلورمه ضلع هم جدا او تطبیق کړو.