لیکنه: وقار ابراهیمي
زموږ موضوع ته په اشارې لومړي د ژوند د بدلون او ترقۍ لپاره د پياوړي لیکوال او اروا پوه؛ برایان ټرېسي
یوه پیاوړي اصطلاح چې له یو فوق العاده معنا څخه ډکه ده، راخلو؛ نوموړي د یو نوې انګېرنې او هدف لپاره لومړي کار او مسولیت څه ګڼي؟
دی لیکي«د دې لپاره چې کوم نوی کار پیل کړې،باید خپل زړو کار پای ته ورسوي، او یا یې نور ونۀ غځوې، یو ځای ته ننوتل، له بل ځايه وتل دي او د یو بار پورته کول، د بل بار په اېښودولو سره کېږي.»
د ټریسي دې خبرې به مو خامخا په در زړه کړي وي، چې د ژوند هدفونو ته د رسېدو ځینې عوامل مو څه دي، یا د هغه هدفونو په وړاندې چې موږ ورته د رسېدو لپاره شپې، ورځې سبا کوو او سترګې په لاره یو
څه ذهنیت او تصور لرو.
هرو مرو به مو پخوا په ژوند کې داسې څه تجربه کړي وي، چې اوس یې په را يادولو سره په زړه کې د يوې لويې ناکامي احساس کوي، خو آیا تاسو له ځان سره دا ذهنیت سازي لري، چې هغه اوس که ښه وو، یا بد؛ بس تېر شول.
که ښه وو، هغه ده د نن ورځې په ذهني آرامتیا کې، د ژوند په پرمختګ کې، په ټولنه کې د یو ښه انسان په
نوم یادېدل مصرفېږي، خو که اوس ووایو چې؛ د ژوند
هغه تېرې پېښې مو زړه بوږنوونکې او ناکامي تجربې
وې، خو اوس په هغوې فکر کول څه ګټه لري؟ آیا څه
بدلون او تحول رامنځته کوي شي؟ زما په خیال ځواب به منفي او(نه) وي، خو دلته باید دا هېره نه کړو، چې
هغه ناکامي تجربې د نور ژوند د پرمختګ لپاره یوه
ایډیال وگڼو، مثلاً هلته مو ځینې کارونو کې سستي کوله، اوس خو پوهېدونکي یې؛ چې له هماغه سستي
له امله مو اوس ژوند په کړاو دی، خو اوس پوهېږئ
پاسېږئ، او برعکس کار وکړئ، د ژوند او شخصیت جوړولو لپاره هېڅ وخت ناوخته نه دي.
د برایان ټرېسې خبرې ته راځو؛ د هغه د خبرې مطلب له يوې پیاوړې انګېزې څخه ډک دی، نور د ژوند هدفونه
د خیالونو له ټال څخه بهر کړئ، که غواړي چې هڅی مو رنګ راوړي، معنا دا شوه؛ چې یو نوي څه ترسره کوي، خو هغه نوي ځای کار او هدف ته تګ په زړو لارو
او فکرونو سر ته نه رسېږي، ځکه هدف او کار مو نوي دی، آیا دا به سمه خبره وي، چې د یو داسې هدف لپاره
چې په ژوند کې مو هیڅ نه وي، ترسره کړي، خو د لاسته راوړلو لپاره یې هیله او ارزو لري، خو برعکس
تاسو بیا ورته زوړ فکر، زړې لارې نیسي، دا به ښکاره خبره وې، چې دا زړو فکر او زړې لارې به مو هدف ته ونه رسوئ.
