دحماس نظامي اتل مشرشهیدمحمد الضیف

دغه لیکنه د فلسطین د معاصر مقاومت یو له مهمو سمبولونو، محمد ضیف، باندې ژوره کتنه کوي. ضیف، چې د حماس د پوځي څانګې (عزالدین قسام لواوو) مشر و، نه یوازې یو نظامي مشر، بلکې یو فکري، فرهنګي، او روحاني لارښود هم و. هغه د خپلې مبارزې له لارې د مقاومت فلسفه له وسلې ور اخوا، یوه فکري او عقیدتي مکتب ته بدله کړه. د هغه پټه څېره، له څو ناکامو ترورونو ژوندی پاتې کېدل، او د مقاومت په ډګر کې نوښتونه، هغه د فلسطین د آزادۍ د مبارزې یوه افسانوي څېره کړه. - د محمد ضیف شخصیت د ژور فکري لید، معنوي ژورتیا، تخنیکي پوهې او قوي زعامت له زاویو نه څېړلی، او ښيي چې ضیف د یوه عادي کډوال نه، د ملت د مقاومت تر ټولو اغېزناک سنګر ته بدل شو. د هغه ژوند، له ماشومتوبه تر شهادت پورې، د تقوی، فداکارۍ، او ایماني ثبات یوه بې‌سارې بیلګه ده. که څه هم فزیکي وجود یې ختم شو، خو فکري میراث یې ژوندی پاتې دی او د راتلونکي نسلونو لپاره د الهام مشعل بل پاتې کېږي.