دبوسنیا او هرزوګوینا هیواد

د بوسنیا او هرزوګوینا هیواد زموږ د کړیدلي هیواد او په اوس وخت کې د فلسطین په ځانګړي ډول د غزې د وږو او دردیدلي هیواد په څیر یې د کفارو له لوري ډیر تکلیفونه او ستونزې ګاللې دي ، په پنځلسمه میلادي پیړۍ کې عثماني اسلامي امپراطورۍ خيل فوجونه د اسلام د مبارک دین د رڼاګانو سره یو ځای دغه هیواد ته ننوتل، د رمضان په میاشت کې سلطان مراد عثمانې د 60 زره عسکرو سره چې په مقابل کې یی ۲ لکه عسکر وه په ډیره میړانه وجنګیده چې په پای کې دیو صربی عسکر په ګوزار سره په شهادت ورسید. بیا دپخوانۍ کمونستې یوګوسولاویا څخه دآزادی په هیله ددې هیواد لومړني مسلمان جمهور رئیس علی عزت بیګو فتتش په پنځه کاله زندان محکوم کړ. بیا په ۱۹۹۲ میلادي کال کې کله چې د صربیانو او ټولې کفري نړۍ یرغل په مظلومو بوسنیایانو پیل شو په لکونو مسلمانان په شهادت ورسیدل - دنسل وژنې جګړې په جریان کې، لسګونه زره بوسنیایان شهیدان شول، سلګونه زره له خپلو ځمکو څخه بې ځایه شول، او په لسګونو زره میرمنو باندې جنسي تیری وشول. یوازې د سربرینیکا په قتل عام کې، 8,000 بوسنیایان د بوسنیا صربانو لخوا په شهادت ورسول شول او په ډله ایزو قبرونو کې ښخ شول.. په بوسنیا کې د نسل وژنې د بندولو لپاره نړیوال اقدام د جګړې له پیل څخه نږدې څلور کاله وروسته پیل شو. په دې ټوله موده کې، بوسنیایان محاصره شوي وو او د ځان د دفاع لپاره له وسلو څخه محروم وو ځکه چې نړیوال بندیز چې د درنو وسلو لرونکي صربانو په ګټه و. بیا هم، سارایوو وکولی شول چې د عصري تاریخ ترټولو اوږده محاصره برداشت کړي.