د ګناهونو د کفارو او نېکو اعمالو لارښود

دا کتاب د اسلام د هغو مهمو اعمالو او عبادتونو مجموعه ده چې د انسان ګناهونه له منځه وړي او د اخرت لپاره ثوابونه زیاتوي. په پیل کې د توبې، علم زده کولو، ذکر، دعا او د نیکو کارونو اهمیت بیان شوی دی. همدارنګه د خلکو سره د ښه چلند، مرستې، صداقت، نرمي، صبر، تقوا او عاجزۍ فضیلتونه په تفصیل سره بيان شوي دي.

-کتاب د عباداتو پراخ بیان لري لکه لمونځ، جماعت، جمعه، نفلونه، تهجد، ذکرونه او د قرآن کریم تلاوت. د روژې مختلف ډولونه هم پکې یاد شوي دي لکه د رمضان روژه، نفلي روژې، د عرفې او عاشورا روژې او د شوال شپږ ورځې.

-همدارنګه زکات، صدقه، حج او عمره، د جومات جوړول، مسواک استعمال، اذان او د جماعت لمونځ فضیلتونه بیان شوي دي. د والدینو، خپلوانو، یتیمانو، کونډو او بېوزلو سره د ښه چلند او مرستې تاکید هم پکې شوی دی.

-په پای کې د جهاد، په تجارت کې صداقت ، د ناروغ پوښتنه، د جنازې احکام، د مړي غسل او کفن، او د مسلمان لپاره دعا کولو فضیلتونه ذکر شوي دي. کتاب په مجموع کې انسان ته د نیکو اعمالو جامع لارښود وړاندې کوي چې هدف یې د ګناهونو کفاره او د الله رضا ترلاسه کول دي.