د اقصی طوفان دوهمه برخه

د فلسطین بی گناه او مظلوم ولس دداسي وحشي پس فطرت او دانسانيت د ټولو حدودو او موازینو څخه بهر دښمن سره مخامخ دی چې دالله جل جلاله څخه پرته هیڅوک ورسره ملګرې نه کوي ظاهرا که نړی ته وکتل شي او دوه ملياريزه مسلمانه ټولنه په نظر کې ونيول شي نو هيڅ تصور نه کيږي چي 2.2 ملينون كلابند او بي اسري مسلمانان د داسې ستونزو او مشکلاتو سره لاس او ګریوان وي جي هيڅ اتكل يي نه كيږي ډير مسلمانان بیا پدی هم خان نه خبروي چې ديو مسلمان په بل مسلمان څه حق شته که نه؟ درسول صلى الله عليه وسلم مبارک حدیث ته هم نه ګوري چې: مسلمان د مسلمان ورور ، داوروري ديني ده په ډيرو حالاتو کي ديني وروري په نسبي ورورۍ ډيره غوره او دلور مقام لرونکې ده ، على كل حال داقصی توپان دپیل څخه تراوسه چې کوم ظلمونه په دغه مظلوم او بی گناه مسلمان ملت ترسره كيږي هيڅ مسلمان يې دلیدلو یا اوریدلو توان نلري حتی که صرف انسان هم وي پدې وروستيو کې چې کومو اروپايي هيوادونو دفلسطين هيواد په مستقل ډول په رسمیت و پیژانده داد انسانیت تقاضا وه خو افسوس ډیر افسوس تش په نوم مسلمانانو په ځانګړي ډول د اسلامي هيوادونو مشران چې دالله جل جلاله په وړاندې به څه ځواب وايي، کله چې تنكي مسلمان ځوانان د مصر طاغوتي زندانونوته ورتيل وهل شول نو هغوی همداسي فکر کاوه چې دغه چارواکي مسلمان ندي ، ځكه دغه ډول ظلمونه دانسان په لاس نه ترسره کيږي ، خو امام حسن الهضيبي يوكتاب د دعاة لاقضاة په نوم وليکه ، مطلب داچې د ظلمونو کيسې مو اوريدلي وي خو ليدلي مو نه وي ، ولى اوس مو دسر په سترګو وليدل ، پدي مهم او خطرناک پراو کی عامو مسلمانانو او په ځانګړي ډول د اسلامي هيوادونو مشرانوته كوم لقب وركړل شي؟ مسلمانان يا..... موږ ته ددې څخه پرته چې په لپو لپو اوښکو وژاړو او دالله پاک څخه ورته نصرت و غوار و دعا ورته وكړو بله لار نلرو ، په راتلونکې کې هڅه کوم چې دغه تيت پرک معلومات د یو کتاب په ډول خپلو هیوادوالوته وراندي کړم ترڅو دفلسطين مسئله يي څه ناڅه په ذهن کې وي اوددې مظلوم ملت آه او افسوس يي هير نشي ، همدارنګه باید یادوه چی د مقاومت د ګوندونو سرچینی می د فصل په اخر كي ذكر کړی که څوک زیات معلومات ترلاسه کول غواری هملته مراجعه وکړی