دعافیت دترلاسه کولو بشپړه وسیله

دا رساله د دعا، د هغې د فضیلت او د عافیت د غوښتلو په اړه لیکل

شوې ده. په رساله کې هڅه شوې چې د قرآن کریم او نبوي لارښوونو په رڼا کې د دعا

اهمیت او د مسلمان په ژوند کې یې ارزښت روښانه شي.

په لومړۍ برخه کې بیان شوي چې دعا د الله تعالی له اطاعت او د هغه

د امر له منلو سره تړاو لري او خپله یو ستر عبادت دی. بنده د دعا له لارې د الله

تعالی پر وړاندې خپل فقر، عاجزي او اړتیا څرګندوي. همدارنګه دعا د غوره عبادتونو

له ډلې څخه ده او د الله تعالی په نزد ځانګړی مقام لري. دعا د الله تعالی د غضب د

دفع کولو، د بېوسۍ او ناتوانۍ څخه د خلاصون، د بلاوو او مصیبتونو د دفع کولو او د

خیر د ترلاسه کولو له مهمو لارو څخه ګڼل شوې ده.

په دویمه برخه کې د الله تعالی څخه د عافیت غوښتلو موضوع بیان شوې

ده. عافیت د انسان لپاره له سترو الهي نعمتونو څخه دی؛ ځکه روغتیا، امن، د بدن

سلامتي او له ناروغیو او مصیبتونو څخه ساتنه د انسان د ژوند له مهمو اړتیاوو څخه

دي. په دې برخه کې د عافیت د غوښتلو فضیلت او مختلف ځایونه او وختونه بیان شوي دي؛

لکه په سجده کې، د خوب پر مهال، د سهار او ماښام په وخت کې، د قبرونو د زیارت پر

مهال او د ناروغ د پوښتنې پر وخت.

په پای کې دا څرګندېږي چې مسلمان باید په هر حالت کې له الله تعالی

سره د دعا اړیکه ټینګه وساتي، د هغه له نعمتونو څخه شکر وباسي او په ځانګړې توګه د

روغتیا او عافیت د نعمت قدر وکړي. دعا د بنده د ایمان، توکل، عاجزۍ او د الله

تعالی سره د اړیکې د پیاوړتیا یوه مهمه وسیله ده.

کلیدي کلمې: دعا، عبادت، اطاعت، الله تعالی، عافیت، روغتیا، مصیبت،

بلا، شکر، توکل.